Бүгүн, 20-октябрь Ысык-Көл облусунун Каракол шаарында өлкөнүн жаштар саясатынын эң ири регионалдык иш-чарасы «Кыялымдагы Кыргызстан. Ысык-Көл» жаштар форумунун экинчи бөлүгү башталды.
Иш-чара Каракол шаарынын борбордук стадионунда өтүүдө. Ага 4 миңге жакын активисттер, студенттер, волонтёрлор, жаш ишкерлер, жаштар уюмдарынын өкүлдөрү, мамлекеттик органдардын жана эл аралык өнөктөштөрдүн өкүлдөрү катышууда.
Иш-чаранын жүрүшүндө Кыргызстандын ар кайсы тармактарында ийгиликке жетишкен белгилүү адамдар чыгып сүйлөп, жаштарга шыктандыруучу баяндамаларды жасап, кесиптик жана жеке өнүгүү боюнча баалуу кеңештерин беришти.
Иш-чара концерттик программа менен уланууда.
Белгилей кетсек, форумдун максаты — региондун активдүү жаштарын бириктирүү, жергиликтүү демилгелерди колдоо жана жаштар менен бийлик, бизнес жана эл аралык уюмдардын түз диалогун камсыз кылуу.
