Ысык-Көлдө «Йакын Инкар» диний-экстремисттик уюмунун мүчөлөрү жашаган дарек боюнча тинтүү жүргүзүлдү. Бул тууралуу УКМКнын басма сөз кызматынан билдиришти.
«УКМК Йакын Инкар» ДЭУнун мүчөлөрүнүн мыйзамсыз ишмердүүлүгүнө бөгөт коюу максатында, 2025-жылдын 16-октябрында козголгон кылмыш ишинин алкагында «Йакын Инкар» ДЭУнун 14 мүчөсүнүн жашаган дареги боюнча тинтүү иш-чараларын жүргүздү.
Жыйынтыгында кылмыш ишинин фигуранттарынын жашаган дареги боюнча экстремисттик мүнөздөгү ар кандай диний адабияттар, ошондой эле буюмдук далил катары протоколдук түрдө алынган уюлдук телефондор табылган.
Жүргүзүлгөн профилактикалык иш-чаралардын натыйжасында аталган «Йакын Инкар» ДЭУнун мүчөлөрү өздөрүнүн радикалдуу көз караштарынан ачык баш тартышты», — делет маалыматта.
