2025-жылдын 23-октябрында өткөрүлгөн «Рулда» аттуу кеңири көлөмдөгү рейддин жүрүшүндө Бишкек шаарынын милициянын кайгуул кызматынын кызматкерлери тарабынан айдоочулук күбөлүгү жок унаа башкарган 61 айдоочу аныкталды.
Мындан тышкары, рейддин жүрүшүндө төмөнкү мыйзам бузуулар катталды:
• 15 айдоочу — мас абалында унаа башкарган;
• 14 айдоочу — укук берилбестен алдыңкы жана каптал терезелерин караңгылаткан;
• 45 жөө жүргүнчү — жолду уруксат берилбеген жерден өткөндүгү үчүн жоопкерчиликке тартылган.
Жыйынтыгында, ар түрдүү мыйзам бузуулар үчүн 359 унаа айып короого токтотулду.
Бишкек ш. МККБсы бардык айдоочуларды жана жол кыймылынын катышуучуларын жол эрежелерин так сактоого, жолдо этият жана жоопкерчиликтүү болууга чакырат.
Эсиңиздерде болсун — жол эрежесин сактоо ар бир жарандын коопсуздугун камсыз кылат!
