Президент Садыр Жапаров Кыргызстан менен Европа инвестициялык банкынын ортосундагы 2025-жылдын май айында кол коюлган CASA-1000 долбоорун каржылоо келишимин ратификациялады.
Документте Борбордук Азия-Түштүк Азия (CASA-1000) электр энергиясын өткөрүү жана соодалоо долбоорун кошумча каржылоо каралган.
Финансы министрлигине келишимдин күчүнө кириши үчүн зарыл болгон бардык ички жол-жоболор аяктагандыгы тууралуу Европа инвестициялык банкына кабарлоо тапшырылды.
Мыйзам расмий жарыяланган күндөн 10 күндөн кийин күчүнө кирет.
CASA-1000 – Борбордук жана Түштүк Азиянын энергетикалык системаларын бириктирүү аркылуу Кыргызстан менен Тажикстандан Ооганстан менен Пакистанга электр энергиясын экспорттоону караган аймактык долбоор.
2018-жылы башталган долбоор жаңы энергетикалык инфраструктураны куруу аркылуу аймактан 1300 мегаватт ашыкча электр энергиясын Түштүк Азиядагы суроо-талап жогору болгон электр рыногуна өткөрүүнү көздөйт.
