Чилиде өткөн пара-триатлон боюнча дүйнө кубогунда кыргызстандык спортчулар алтын медаль утту. Бул тууралуу Дене тарбия жана спорт мамлекеттик агенттиги билдирет.
Маалыматка ылайык, 8-ноябрда Чилиде пара-триатлон боюнча дүйнө кубогунда Кыргызстандын курама командасы жогорку жыйынтыктарды көрсөтүп, алтын медаль утту.
PTVI Women (көзү азиз спортчу аялдар) категориясында Гүлназ Жүзбаева (коштоочусу Оксана Рыбакова) биринчи орунду камсыздады. Аталган жеңиш дүйнөлүк рейтингдин алдыңкы ондугуна кирип, кыргыз триатлону тарыхында алгачкы ийгилик болду.
PTVI Men (көзү азиз спортчу эркектер) категориясында Жалалдин Абдувалиев (коштоочусу Иван Сушков) төртүнчү орунду ээледи.
