Турмуштук оор кырдаалга кабылган балдар үчүн «Акниет» борборунда тарбиялык багыттагы «Үлгүлүү аксакал» сынагы өткөрүлдү. Бул тууралуу мэриянын басма сөз кызматы билдирди.
Маалым болгондой, сынактын балдарга улуу муунду сыйлоону үйрөтүү жана адеп-ахлактык баалуулуктарга тарбиялоо максатында уюштурулган.
Сынакка борбордун кызматкерлери катышып, өздөрүнүн өмүр баянын айтып беришти. Алар эмгек жолу, кесиптик тажрыйбасы жана жетишкендиктери тууралуу бөлүшүп, балдарга акыл-насаат айтып, турмуштан алган сабактарын айтып беришти.
Иш-чарага «Акниет» борборунун сүрөт ийриминин жетекчиси Таалайбек Мамбетов, өспүрүмдөрдүн тарбиячысы Күлүйпа Мусуралиева, тарбиячы Жыпаркул Назаркулова жана тарбиячы Апар Абдрахманова катышты.
