29-декабрда Талас облусунда окуучулар арасындагы чыр-чатактардын жана мыйзамсыз жүрүм-турумдардын алдын алуу маселеси боюнча жыйын өткөрүлдү. Бул тууралуу УКМК билдирди.
Маалыматка карай, иш-чарага жетекчилер, укук коргоо органдарынын өкүлдөрү жана бардык мектеп директорлору катышты.
Буга Талас шаарынын орто мектебинин 7-классынын мыйзамсыз иш аракеттери себеп болгон.
Ошону менен бирге, жыйындын жүрүшүндө төмөнкү маселелер талкууланды:
— укукка каршы жүрүм-турумга жакын өспүрүмдөрдү алдын ала аныктоо;
— билим берүү мекемелеринин жетекчилеринин жеке жоопкерчилигин жогорулатуу;
— билим берүү жана ички иштер органдарынын өз ара аракеттенүүсүн күчөтүү;
— мектеп чөйрөсүндө рэкетчиликтин, зомбулуктун жана агрессивдүү жүрүм-турумдун алдын алуу;
— коопсуз жана жагымдуу билим берүү чөйрөсүн түзүү.
