Кечээ, 30-декабрь Тогуз-Торо районунда салтка айланган “Акимдин балатысы” майрамы өткөрүлдү. Бул тууралуу Тогуз-Торо райондук мамлекеттик администрациясынан билдиришти.
Маалыматка ылайык, “Балаты” майрамына чакырылган 100 окуучуга Тогуз-Торо райондук мамлекеттик администрациясынын башчысы — аким М.М. Мураталиевдин жана Кытай–Кыргызстан–Өзбекстан темир жолунун курулушунун атынан белектер тапшырылган.
Майрамдык иш-чара мектеп окуучулары тарабынан даярдалган концерттик программа тартууланып, катышуучуларга жагымдуу маанай тартуулады.
Иш-чарага улай район башчысы “Аракет” ДМЧ күндүзгү балдардын ден соолугун калыбына келтирүү борборунда окуп жаткан балдарга да көңүл буруп, жаңы жыл майрамы менен куттуктап , компьютер тапшырды, Кытай–Кыргызстан–Өзбекстан темир жолунун курулушунун атынан таттуу белектер тапшырылды.
