Мамлекеттик салык кызматынын мурдагы төрагасы Алтынбек Абдуваповго жана анын орун басары Исламбек Кыдыргычовго соттун өкүмү чыкты. Бул тууралуу соттон билдиришти.
Ошентип, А.А.К. Ленин райондук сотунун 25-декабрдагы өкүмү менен КР Кылмыш-жаза кодексинин 337-беренеси боюнча күнөөлүү деп табылып, мамлекетке 400 000 сом айып пул төлөөгө милдеттендирилди. Ошондой эле белгилүү бир кызматтарды ээлөө укугунан ажыратылды.
К.И.Н. ушул эле берене боюнча күнөөлүү деп табылып, ага 300 000 сом айып пул салынды жана кызматтык чектөөлөр коюлду.
Мындан тышкары, А.А.К. жана К.И.Н. атайын наамдарынан, класстык чиндеринен жана мамлекеттик сыйлыктарынан ажыратылышты.
А.А.К. жана К.И.Н.га карата камакка алуу түрүндөгү бөгөт коюу чарасы өкүм мыйзамдуу күчүнө киргенге чейин эч жакка кетпөө тууралуу кол койдурууга өзгөртүлдү.
