Эми бийик тоолуу аймактардын жашоочулары ай сайын 3 миң сомдон жөлөкпул алат. Бул тууралуу Тогуз-Торо райондук Эмгек, социалдык камсыздоо жана миграция башкармалыгынын жетекчиси Чолпонай Жеңишова билдирди.
Анын айтымында, тиешелүү документтерди 2026-жылдын 12-январынан тарта тапшырууга болот.
“Бийик тоолуу жана алыскы жетүүгө кыйын зоналарда жашаган, үчүнчү жана андан кийинки ар бир бала төрөлгөндө, 3 жашка чейинки балдары бар жарандарга (үй-бүлөлөргө), кирешеге карабастан ай сайын 3000 сомдон жөлөкпул төлөнөт. Аталган нормативдик актыларга ылайык тиешелүү адистер тарабынан алгачкы документтер кабыл алына баштады”, — деп берилет маалыматта.
Жөлөкпул чегерүү үчүн төмөнкү документтер керектелет:
- Ата-энесинин паспортторунун көчүрмөлөрү;
- Балдардын туулгандыгы тууралу күбөлүктөрүнүн көчүрмөлөрү;
- Никелешүү тууралу күбөлүктүн көчүрмөсү;
- Банктык эсеп;
- Түндүктөн үй-бүлө курамы тууралуу маалымкат.
