Быйыл Ош шаарындагы А.Навои атындагы паркта 5 миң түп көчөт отургузулат. Бул тууралуу мэриядан билдиришти.
Мындай тапшырманы бүгүн таңкы рейддин жүрүшүндө шаар мэри Жеңишбек Токторбаев берди.
Белгилей кетсек, буга чейин шаар башчысы аталган парктагы бир катар соода-сатык жайларын алып салуу боюнча көрсөтмө берген. Парк толугу менен жаңыланып, шаар тургундары үчүн заманбап жана ыңгайлуу шарттар түзүлүшү керектигин баса белгилеген.
Ошондой эле парк аймагында жайгашкан «Палван-Сарай» имаратынын орду келечекте эс алуу жайы катары уюштурулат.
