Такси кызматын көрсөткөн айдоочулар лицензия алууга милдеттүү. Бул тууралуу Кайгуул кызматы билдирет.
Лицензия алуу үчүн талап кылынган документтердин басымдуу бөлүгүн «Түндүк» мобилдик тиркемеси аркылуу алуу мүмкүн.
Лицензия алуу үчүн керектүү документтер:
- Жеке жакты тастыктаган документ (паспорт);
- Салык органына катталгандыгы жөнүндө күбөлүктүн күбөлөндүрүлгөн көчүрмөсү;
- Жүргүнчүлөр алдындагы жарандык жоопкерчилик боюнча милдеттүү камсыздандыруу келишими;
- Автотранспорт каражатын каттоо күбөлүгү;
- Тиешелүү категориядагы айдоочунун күбөлүгүнүн көчүрмөсү (айдоочулук стажы 3 жылдан кем эмес);
- Соттуулугу тууралуу маалымкат.
Белгилей кетсек, 1-февралга чейин убакыт аз калды. Ушуга байланыштуу бардык такси айдоочуларын талап кылынган документтерди өз убагында чогултуп, лицензия алууга чакырабыз. Белгиленген мөөнөттөн кийин рейддик иш-чаралар башталат.
