БШК №13 округ боюнча кайра шайлоого катышуу үчүн талапкерлерден чогулган 7 млн сом акча каражатын кайтарып берет. Бул тууралуу Боршайкомдун төрагасы Тынчтык Шайназаров билдирди.
Ал белгилегендей, 13-февралда №13 көп мандаттуу шайлоо округунда Жогорку Кеңештин депутаттарын кайра шайлоо боюнча 2025-жылдын 30-декабрындагы БШКнын токтому жокко чыгарылган.
Ал эми аталган округ боюнча 2025-жылдын 30-ноябрында өткөн Жогорку Кеңештин депутаттарын мөөнөтүнөн мурда шайлоонун жыйынтыгы мыйзамдуу деп табылып, талапкерлер – Талант Мамытов, Айбек Алтынбеков жана Айгүл Карабекова жеңүүчү деп белгиленген.
“1-мартка дайындалган кайра шайлоо жокко чыгарылгандыктан, талапкерлерден түшкөн 7 млн сом акча каражаты кайтарылып берилет”, — деди ал.
