Садыр Жапаров 6-ноябрда Чүй облусуна болгон иш сапарынын алкагында Сокулук районунун социалдык-экономикалык өнүгүүсү менен таанышты.
Маалыматка ылайык, 2021-жылдан 2026-жылдын сентябрына чейин райондо 41 ири ишкана жана 189 чакан жана орто бизнес субъекти ачылып, жумуш орундарынын саны 5,8 эсеге көбөйгөн.
Ошондой эле төрт чакан ГЭС ишке берилип, 167 чакырым жол асфальтталган. Акыркы жылдары райондо 8 мектеп, 12 бала бакча, 21 спорттук объект жана 16 медициналык имарат курулган.
Учурда 300 орундуу оорукананын, эки мектептин жана эки бала бакчанын курулушу жүрүп жатат. Мындан тышкары, райондогу тазалоочу курулмаларды куруу, автоунаа тетиктерин сатуучу муниципалдык базар ачуу жана «Семетей» жаңы конушунун инфраструктурасын өнүктүрүү маселелери көтөрүлдү.
