Бүгүн саат 12:10 чамасында Бишкек – Ош жолунун Чычкан капчыгайынын эки жерине кар көчкү түштү. Бул тууралуу Транспорт жана коммуникациялар министрлигинен билдиришти.
Учурда Бишкек – Ош жолу бардык унаалар үчүн Сосновка жана Арал өткөрмө постторунан убактылуу жабылды. Алдын ала маалымат боюнча, жолго түшкөн кар көчкүнүн узундугу болжол менен 100 метрди, ал эми бийиктиги 5 метрди түзөт. Жолду тазалоо иштерин №23 Жол тейлөө ишканасы жүргүзүүдө.
Учурда атайын техникалар тартылып, тазалоо иштери активдүү уланууда. Кошумча маалыматтар берилет.
