Ош шаарын аралап өткөн Муям, Жекелик, Жөөбас каналдарын тазалоо иштери белгиленген пландын негизинде жүргүзүлүп жатат. Бул тууралуу Ош шаардык мэриясынын басма сөз кызматы билдирди/
Маалым болгондой, тазалоо иштерине тиешелүү техникалар жана адистер тартылып, суунун агымына тоскоол болуучу жагдайлар иретке салынууда.
Ошондой эле аталган каналдардын эки жээгин бетон менен бекемдөө иштери да параллелдүү түрдө аткарылууда. Бул чаралар шаардын экологиялык абалын жакшыртууга, суу ресурстарын натыйжалуу пайдаланууга жана шаар тургундары үчүн коопсуз, ыңгайлуу шарттарды түзүүгө багытталган.
