Түркмөнстандын Межлисинин Төрайымы Дунягозел Гулманова Марлен Маматалиевди Жогорку Кеңештин Төрагасы кызматына шайланышы менен куттуктады. Бул тууралуу Жогорку Кеңештин басма сөз кызматы билдирди.
Жолдогон телеграммасында Дунягозел Гулманова “Биз өлкөлөрүбүздү жана элдерибизди салттуу түрдө байланыштырып келген достук жана өз ара кызматташтыгынын ажырагыс бөлүгү болгон конструктивдүү парламенттер аралык диалогду мындан ары да өнүктүрүүгө кызыкдарбыз. Учурдан пайдаланып, Сизге чың ден соолук жана жооптуу мамлекеттик ишмердүүлүгүңүзгө чоң ийгиликтерди каалайм”,– деп жазган.
