Улуттук банктын тышкы аудиторун тандоо боюнча конкурстук комиссиянын курамына депутаттар Камила Талиева, Исманали Жороев, Бекмурза Эргешов, Уланбек Жаанбаев, Илимбек Кубанычбеков, Жумабек Салымбеков киришти. Бул тууралуу Жогорку Кеңештин басма сөз кызматы билдирди.
Жогорку Кеңештин жыйынында депутаттар «Кыргыз Республикасынын Улуттук банкынын 2026, 2027 жана 2028-жылдарга тышкы аудиторун тандоо боюнча конкурстук комиссиянын курамына Кыргыз Республикасынын Жогорку Кеңешинин депутаттарынын талапкерликтерин бекитүү жөнүндө» Жогорку Кеңештин токтом долбоорун карашты.
