Социалдык тармактарда Бишкектеги көчөлөрдүн биринде жолдогу жаңжалдын видеосу тарады.
Ленин РИИБинин маалыматына ылайык, айдоочулардын ортосундагы пикир келишпестик кийин мушташка айланып кеткен. Окуя Лев Толстой жана Некрасов көчөлөрүнүн кесилишинде болгон.
«Бул факт Бишкек шаарынын Ленин райондук ички иштер башкармалыгынын МЭЖге катталды. Аталган факт боюнча тергөөгө чейинки текшерүү иштери башталды.
Учурда бул окуяга катышкан адамдарды аныктоо иштери жүргүзүлүүдө. Текшерүүнүн жыйынтыгы менен алардын аракеттерине Кыргыз Республикасынын мыйзамдарына ылайык укуктук баа берилип, тиешелүү чаралар көрүлөт», — делет маалыматта.
