Бишкек шаарындагы мектептердин курулуш иштери пландуу түрдө уланууда. Бул тууралуу курулуш министри Нурдан Орунтаев билдирди.
Анын айтымында, борбор калаанын Ленин районунда 6 мектеп, ошондой эле Октябрь районунда дагы 6 мектептин курулушу жүргүзүлүп жатат.
Учурда бардык объектилерде курулуш иштери үзгүлтүксүз жүрүүдө. Долбоорлордун пайыздык даярдыгы азырынча 5–10 пайызды түзөт.
Орунтаев белгилегендей, курулуш иштерин белгиленген мөөнөттө аяктоо максатында иш кызуу жүрүп жатат.
Буга чейин президент Садыр Жапаров борбор калаадагы билим берүү мекемелеринин жетишсиздигин жоюу максатында жаңы мектептерди белгиленген мөөнөттө бүтүрүү тапшырмасын берген.
