Кыргыз Республикасынын Министрлер кабинети коомдук саламаттык сактоо чөйрөсүндөгү актыларды жөнгө салуучу Өкмөттүн 2016-жылдын 11-апрелиндеги №201 токтомуна өзгөртүүлөрдү киргизди.

Документке ылайык, мектептердин аймактарынан 100 метр радиуста зыяндуу тамак-аш азыктарын саткан объекттерди жайгаштырууга тыюу салынат.

Мындан тышкары токтом менен мектептердин инфраструктурасына талаптар такталды. Тактап айтканда, тыгыз Курулуш жана аймактын жетишсиздиги шартында төрт кабаттуу имараттарды курууга жол берилет. Төртүнчү кабатта пайдалуу жана эс алуучу жайлар, ошондой эле психологдор, логопеддер жана социалдык кызматкерлер сыяктуу окуучуларды тейлөө кеңселери болушу мүмкүн.

Документ мектептерди ыңгайлаштырылган имараттарга жайгаштыруу талаптарын жаңыртат. Аларда сөзсүз түрдө окуу класстары, тамактанууну уюштуруу үчүн жайлар, медициналык кабинеттер, рекреациялык зоналар, административдик-чарбалык жайлар, санитардык түйүндөр жана гардеробдор болууга тийиш.

жер төлө жайларды санитардык жана вентиляциялык ченемдерди, өрт коопсуздугунун талаптарын сактоо менен ашкана, китепкана, спорт, бий жана акт залдары катары пайдаланууга уруксат берилет.

Спорт залдарда балдар жана кыздар үчүн өзүнчө чечинүүчү бөлмөлөрдү жана жуунучу бөлмөлөрдү жабдуу сунушталат. Душ бөлмөлөрү имараттын техникалык мүмкүнчүлүгү болгондо орнотулушу мүмкүн. Эгерде мектептин өзүнүн спорт залы жок болсо, анда жанаша жайгашкан спорттук курулуштарды пайдаланууга жол берилет.

Токтом 15 күндөн кийин күчүнө кирет.