Бишкек шаарындагы Чүй проспектиси менен Абдрахманов көчөсүнүн кесилишиндеги имарат жакынкы араларда кайрадан бузулат. Бул тууралуу “Ташболот Холдинг» компаниясынын жетекчиси Назгүл Түлеева Old Bishkek долбоорунун социалдык баракчасы аркылуу билдирди.
Анын айтымында, масштабдуу долбоорлор инженердик тактыкты гана эмес, коомчулуктун макулдугун талап кылат. Эки көчөнүн кесилишиндеги имараттын Old Bishkek долбооруна тиешеси жок.
“Имараттын 3 башка ээси бар. Буга карабастан биздин компания объектинин ээлери жана шаар бийлиги менен бирге сүйлөшүүлөрдү жүргүзүп, менчик ээлери менен биргеликте имаратты бузуу чечими кабыл алынды»,-деген ал.
Ошондой эле ал белгилегендей, имаратты жакын арада Old Bishkek долбоорунун адистери бузуп баштайт. Ал эми анын орду көрктөндүрүлөт.
