Бүгүн Нарын дарыясына түшүп кеткен баланы издөө иштери таң эрте башталды. Бул тууралуу Нарын облустук өзгөчө кырдаалдар башкармалыгынын маалымат кызматы билдирди.
Издөө иштерине өзгөчө кырдаалдар башкармагынынан, ички иштер органдарынан жана жергиликтүү тургандардан болуп 96 киши тартылды.
Маалыматка таянсак, бүгүн, 6-апрелде кайык жана дрон тартылып, Нарын сууну бойлой Нарын районунан Ак-Талаа районуна чейин изделип жатат.
Издөө иштерине Ак-Талаа райондук өзгөчө кырдаалдар бөлүмүнүн куткаруучулары да чыкты.
Кошумча маалымат берилет.
