Алмамбет Шыкмаматов курулуш компанияларын бирдиктүү салык режимине өткөрүү тармакты көмүскөдөн чыгарып, ачыктыгын жогорулатат деп билдирди. Бул тууралуу Салык кызматынын басма сөз кызматы билдирди.
Жолугушууда курулуш тармагынын экономикадагы мааниси, салык системасын жөнөкөйлөтүү, электрондук кызматтарды өнүктүрүү жана отчеттуулукту жеңилдетүү маселелери талкууланды. Иш-чарага мамлекеттик салык кызматынын жетекчилиги, соода-өнөр жай палатасынын өкүлдөрү, курулуш ассоциацияларынын, ири жана аймактык компаниялардын өкүлдөрү катышты.
Ошондой эле салык төлөөчүлөрдүн рейтингин киргизүү, жеңилдиктерди карап чыгуу жана бирдиктүү курулуш ассоциациясын түзүү сунушталды. Бизнес өкүлдөрүнүн сунуштары кабыл алынып, мыйзамдарды өркүндөтүү иштери улантылат.
Эми салык кызматынын тиешелүү бөлүмдөрү тарабынан салык мыйзамдарын мындан ары өркүндөтүү механизмдери иштелип чыгат.
