Борбордук шайлоо комиссиясы Улан Сариевди Жогорку Кеңештин депутаты катары каттады. Ал Бишкектеги №19 Сокулук шайлоо округунан шайланып, кийин мандатын тапшырган Абдылдабек Эгембердиевдин ордуна келди.
Эске салсак, аталган округда 5 316 добуш менен экинчи болгон 34 жаштагы Эгембердиев 8-апрелде өз арызынын негизинде мандатынан ажыратылган. Учурда тергөө абагында жаткан, 4 767 добуш менен үчүнчү сапта турган Рамис Жунусалиев 10-апрелде талапкерлигин жокко чыгаруу боюнча арыз жазган. Аны декабрда УКМК алдамчылыкка шектүү деп кармаган.
