Бишкекте шаарында кайгуул кызматкерлери жарандардын коопсуздугун мотоцикл менен көзөмөлдөөгө өттү. Бул тууралуу мекеменин басма сөз кызматы билдирди.
Буга чейин жөө кайгуул жана авто кайгуул бөлүнгөн аймактарда коопсуздукка көзөмөл жүргүзүп келген.
Маалыматка ылайык, мото кайгуул автоунаа кирбеген парктарга, шаардыктар эс алуучу жайларга чейин кирип, коопсуздук үчүн болгон чараларды көрүшөт.
«Кылмышка шектүү жарандар көп кабаттуу үйлөрдүн ичине кире качкан учурда аларды артынан кууп, изи сууй электе кармаганга да жардамы тиет. Мото кайгуулда жөө кайгуул жана авто кайгуул сыяктуу эле бардык мүмкүнчүлүктөр болот. Демек, жол эрежесин бузган автоунааны токтотуп, тийиштүү протоколдорду түзө алат. Ошондой эле мото кайгуулда электрондук планшет, рация сыяктуу бардык атайын техникалык каражаттар орнотулат», — деп айтылат билдирүүдө.
