Кыргыстанда 1-октябрдан тарта пенсиянын минималдуу өлчөмү 1700 сомго көбөйүп, 8800 сомду түзөт. Бул тууралуу министрлер кабинетинин төрагасы Адылбек Касымалиев «Кабар» агенттигине берген маегинде билдирди.
«Мурда жыл сайын 200, 300, эң көп дегенде 500 сомдон кошчубуз. 1-октябрдан тарта минималдуу пенсия 8800 сом болот», — деди Касымалиев.
Өкмөт башчы пенсияны көбөйтүүгө камсыздандыруу фондуна түшкөн каражаттын көбөйгөнү шарт түзүп жатканын белгилеген.
Бүгүнкү күндө пенсиянын минималдуу өлчөмү 7 100 сомду түзөт.
