Нарында жайыт жерлерин максатсыз пайдаланган жарандарга 45 000 сом өлчөмүндө административдик айып салынды. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Маалымата ылайык, Нарын районунун Учкун айыл аймагынын малчылары «Жашыл Учкун» муниципалдык ишканасы тарабынан бекитилген жайыттарды кезектештирип пайдалануу графигин сактабастан, Чой-Жап өрөөнүндөгү ички жаздоо жана кыштоо жайыттарына мал жаюуну мыйзамсыз улантып келишкен.
Жерди жана сууну көзөмөлдөө боюнча кызмат жайыттарды белгиленген тартипте пайдалануу, жайыттардын деградациясына жол бербөө жана жайыт мыйзамдарынын талаптарын так сактоо зарылдыгын эскертип келет.
