Арашан – Чуңкурчак унаа жолунда асфальттын экинчи катмары төшөлүүдө. Бул тууралуу Транспорт жана коммуникациялар министрлиги билдирди.
Маалыматка ылайык, жалпы узундугу 21,7 чакырымды түзгөн жолдун 16-20-чакырымдар аралыгында иштер жүрүп жатат.
Жол боюндагы тирөөч дубалдарды жана суу өткөрүүчү түтүкчөлөрдү орнотуу иштери толугу менен аяктады. Ошондой эле эки көпүрөнүн курулушу да толук бүткөрүлдү. Кооптуу тилкелерде жол кыймылынын коопсуздугун камсыз кылуу максатында жол белгилери жана темирден ийри жол тосмо брустары орнотулууда.
