Казань 2028-жылы «Көчмөндөр оюндарын» өткөрүү укугуна ээ болот. Бул тууралуу «БИЗНЕС Online» басылмасы маалымат таратты. Жарыяланган макалада Орусиянын башка региону менен биргеликте билдирме берүү варианты талкууланганы, бирок жыйынтыгында Татарстан өз позициясын сактап калганы белгиленет.
Буга чейин ушул эле басылма Кыргызстандын Министрлер кабинетинин төрагасы Татарстандын жетекчилигине мелдешти өзүндө өткөрүү өтүнүчү менен кайрылганын кабарлаган.
Бишкекте боло турган Дүйнөлүк көчмөндөр оюндары учурунда мелдештин кийинки уюштуруучусу катары тууну Казанга өткөрүп берүү күтүлүүдө.
