Ош шаарындагы Курманжан датка көчөсү жаңыланып, айланасы иретке келтирилет. Бул тууралуу Ош шаарынын мэриясы кабарлады.
Муниципалитеттен билдиришкендей, бул багыттагы иштерди уюштуруу максатында мэр Жанар Акаев жаңы курулуп жаткан Ош мамлекеттик университетинин клиникасынын аймагында көчмө жыйын өткөрдү.
Жыйында клиниканын айланасындагы эски жана башаламан жайгашкан объектилерди алып салуу, көчөнүн жалпы көрүнүшүн жакшыртуу маселелери талкууланды.
Алдыда Курманжан датка көчөсүндө тазалыкты камсыз кылуу, жашылдандыруу жана заманбап шаардык чөйрө түзүү боюнча иштер жүргүзүлөт. Жооптуу кызматтарга тиешелүү тапшырмалар берилди.
