Борбордук шайлоо комиссиясы президенттикке талапкерлердин шайлоо бюллетениндеги кезектүүлүгүн аныктоо үчүн чүчүкулак өткөрүүнүн жаңы тартибин бекитти.
Жаңы тартипке ылайык, чүчүкулак өткөрүүнүн негизги жол-жобосу өзгөрүүсүз калат. Ошол эле учурда бардык катталган талапкерлер же алардын ыйгарым укуктуу өкүлдөрү макул болсо, чүчүкулакты бир этапта өткөрүүгө мүмкүнчүлүк түзүлдү.
БШКнын маалыматына ылайык, мындай ыкма талапкерлердин кезектүүлүгүн кокусунан аныктоо принцибин сактоо менен бирге катышуучулардын макулдашылган позициясын эске алууга шарт түзөт.
Ошондой эле жаңы тартип чүчүкулакты өткөрүү жол-жобосун жөнөкөйлөтүп, анын этаптарын жана убакыт чыгымдарын кыскартууга багытталган.
