VI Дүйнөлүк көчмөндөр оюндарын утурлай дене тарбия жана спорт мамлекеттик агенттиги мелдештердин жеңүүчүлөрүнө жана байге ээлерине ыйгарылуучу алтын, күмүш жана коло медалдардын расмий дизайнын сунуштайт.
Медалдардын дизайн-концепциясы кыргыз элинин салттуу көчмөн философиясына негизделген. Ар бир медалдын борбордук бөлүгүндө Дүйнөлүк көчмөндөр оюндарынын расмий логотиби жайгаштырылган.
VI Дүйнөлүк көчмөндөр оюндарынын жеңүүчүлөрү жана байге ээлери дал ушул өзгөчө медалдар менен сыйланып, дүйнөлүк көчмөн спортунун тарыхында өз ысымдарын калтырышат.
