Бүгүн, 27-августта Саламаттык сактоо министрлигинин жамаатына министрдин жаңы орун басары тааныштырылды. Бул тууралуу саламаттык сактоо министрилигинен билдиришти.
Тиешелүү чечимге ылайык, Нурбек Букуев министрдин орун басары болуп дайындалды.
«Ал хирург, онколог-гинеколог, медицина илимдеринин доктору жана доцент. Саламаттык сактоо тармагында клиникалык, башкаруучулук жана илимий-педагогикалык багыттарда 21 жылдык тажрыйбасы бар. 2024-жылдан бери Улуттук онкология жана гематология борборун жетектеп келген. Ал жерде дарылоо, илимий жана билим берүү иштерин уюштуруу, заманбап клиникалык протоколдорду киргизүү жана мамлекеттик, эл аралык уюмдар менен кызматташтыкты өнүктүрүү багытында иш алып барган»,- деп айтылат маалыматта.
