Сеул шаарында Кыргызстандын энергетика министри Алтынбек Рысбеков менен Кореянын электр энергетикалык корпорациясынын улук вице-президенти Чанхёк Чон жолугушту.
Жолугушууда энергетика тармагындагы кызматташтык боюнча өз ара түшүнүшүү жөнүндө меморандумга кол коюлду.
Тараптар энергетиканы санариптештирүү, электр энергиясынын жоготууларын азайтуу, акылдуу эсептегичтерди жана энергияны сактоо тутумдарын киргизүү, кайра жаралуучу энергия булактарын өнүктүрүү боюнча кызматташууну талкуулашты.
Маалыматка ылайык, KOICA долбоорунун алкагында Бишкектеги 10 миң үйгө акылдуу эсептегичтер орнотулган. Кийинки этапта Жалал-Абад облусундагы дагы 125 миң үй чарбасына ушундай түзмөктөрдү орнотуу пландалууда.
