Каракол шаарында туристтер үчүн атайын автобус каттамы ишке кирди. Бул тууралуу шаардык мэриядан билдиришти.
Маалыматка ылайык, каттам туристтерди шаардын тарыхый, маданий жана туристтик жайларына жеткирет.
Маршруттук каттамга музейлер, эстеликтер жана тарыхый комплекстер киргизилген.
Туристтерди ташуу үчүн мэрия эки электробус бөлгөн. Алгач каттам жумасына эки жолу жүргүзүлөт. Туристтердин агымы көбөйсө, күн сайын каттоо пландалууда.



