Бишкекете казак киносунун күндөрү старт алды. Иш-чара борбордогу «Ала-Тоо» кинотеатрында өтүп жатканын маданият, маалымат жана жаштар саясаты министрлиги билдирди.
Кыргызстандык көрүүчүлөрдү Казакстандын заманбап кинематографиясы менен тааныштыруу 30-сентябрга чейин уланат.
Түрдүү жанрдагы тасмалар көрсөтүлөт: фантастика элементтери бар «Qaitadan» драмасы, «Алтын адам» толук метраждуу анимациялык тасмасы жана «Жабайы» үй-бүлөлүк киносу.
Иш-чаранын негизги максаты — кыргыз көрүүчүлөрүн заманбап казак киносу менен тааныштыруу, эки өлкөнүн кинематографисттеринин чыгармачылык байланыштарын кеңейтүү жана кыргыз-казак маданий кызматташтыгын мындан ары өнүктүрүү.
