27-28-октябрда Ысык-Көлдүн акваториясында рейд жүргүзүлүп, 4600 метр эски синтетикалык тор жана 60 кг таштанды чыгарылды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Жыл башынан бери көлдөн жалпы 56 миң 480 кг таштанды чыгарылды. Тазалоо иштери Түп районунун Кудургу, Кичи-Өрүктү жана Ысык-Көл районунун Орто-Өрүктү, Григорьевка айылдарынын аймагында жүргүзүлдү.
Иш-чаралар көлдүн экологиялык абалын жакшыртуу, биологиялык ар түрдүүлүгүн коргоо жана суунун булганышын алдын алуу максатында жүргүзүлүүдө.
