Бүгүн, 2-ноябрда Агартуу министри Догдуркүл Кендирбаева Талас облусунда жарандарды кабыл алды. Бул тууралуу Билим министрлигинен билдиришти. Кабыл алуу президент Садыр Жапаровдун Талас облусуна болгон иш сапарынын алкагында уюштурулду.
Анда тургундар мектеп жана бала бакчаларды куруу, оңдоо, жумушка орношуу, билим берүү мекемелеринин материалдык-техникалык базасын жакшыртуу жана инклюзивдик класстарды көбөйтүү маселелерин көтөрүштү.
Министр кайрылууларды угуп, аларды кароо жана чечүү боюнча тиешелүү жетекчилерге тапшырмаларды берди.
