Бүгүн, 4-ноябрда “Регионалдык жайыт жамааттарынын туруктуулугу – АДАПТ” долбоорунун алкагында 16 жергиликтүү өз алдынча башкаруу органына грант берүү боюнча келишимдерге кол коюлду.
Айыл-чарба министрлигинен билдиришкендей, жалпы суммасы 43 млн 441 миң сомду түзгөн каражат жайыттарды жакшыртууга, көпүрөлөрдү жана жолдорду оңдоого жумшалат.
Аталган долбоорго 22 сунуш түшүп, анын ичинен 16сы жактырылган. Калган 6 долбоордун документтери кароо баскычында. Грант өлкөнүн жети облусуна бөлүнүп берилди.
