Кыргызстанда президенттикке талапкерлерди колдоо үчүн шайлоочулардын кол тамгаларын электрондук түрдө чогултуу кызматы ишке кирди.
Кызмат “Түндүк” тиркемеси аркылуу жеткиликтүү. Аны пайдалануу үчүн 18 жаштан жогору, шайлоочу катары катталган жана биометрикалык каттоодон өткөн Кыргызстандын жарандары талапкерди тандай алышат.
Колдоо көрсөтүү үчүн тиркемедеги тиешелүү баннерге кирип, тизмеден талапкерди тандоо жетиштүү. Кол коюу аралыктан жүргүзүлүп, маалымат электрондук реестрге катталат.
Кол чогултуу 2026-жылдын 7-декабрында аяктайт. Мыйзамга ылайык, президенттикке талапкер кеминде отуз миңден кем эмес шайлоочунун колу менен колдоого алынууга тийиш.
