Бишкекте маршруткалардын айдоочуларынын иш таштоосу уланууда.
Маалыматка ылайык, шаарда коомдук транспорттун жетишсиздиги байкалууда. Жеке унаадагы шаардыктар аялдамада турган адамдарга ала кетүүнү сунуштап жатышат. Учурда троллейбус жана автобустар гана иш алып барууда.
Эскерте кетсек, 2-июнда борбор калаада маршруттук таксилердин айдоочулары жол кире акысын көтөрүп берүү талабы менен иш ташташкан. Бирок, муниципалитетте жол киреге тарифти көтөрүү маселесин сентябрга калтыруу чечими кабыл алынган.
