«Сапат» билим берүү мекемесинин негиздөөчүсү Орхан Инанды тууралуу так маалыматка акы берилет. Бул тууралуу анын жакындары маалымат таратты.
«Орхан Инанды кайсы жерде тургандыгы боюнча маалыматтар болсо 0550 049050, 0555 155-114 телефон номурларына кабарлоону өтүнөбүз! Маалымат берген адамдын анонимдүүлүгү сакталат» -дейт Инандынын жакындары.
Эскерте кетсек, Орхан Инанды 31-майда жолугушууга барарын айтып үйдөн чыгып кеткен бойдон кайра келген эмес. Ошол эле күнү анын уунасы үйүнөн алыс эмес жерден табылган. Ал 1995-жылдан бери Кыргызстанда иштейт. 2012-жылы кыргыз жарандыгын алган.