Сузак району коронавируска байланыштуу бала бакчалардын ишин белгисиз мөөнөткө токтотту. Буга чейин бала бакча кызматкеринен илдет аныкталган. Бул тууралуу район акими Баратбек Сыдыкназаров билдирген
Мындан сырткары Сыдыкназаров кафе-ресторандар жана мечиттерде санитардык талаптарды сактоо боюнча тапшырмалар берилгенин, ал боюнча рейддер байма-бай өткөрүлүп турарын кошумчалады.
Сузак районунун аймагында 53 мамлекеттик бала бакча бар. Ушул тапта райондун Көк-Жаңгак шаарындагы бейтапканада коронавируска чалдыккан 30 бейтап дарыланууда.
Буга чейин Сузак аймактык ооруканасынын төрөт бөлүмүндө илдетке чалдыккан келин көз жарып, имарат карантинге алынганы маалымдалган.
