Кыргыздын Түштүк-Кореядагы элчиси Динара Кемелова Кыргыз өлкөсүнүн Вьетнамдагы элчиси болуп дайындалды. Бул тууралуу маалыматты президенттик аппараттан кабарлашты.
Маалыматка ылайык, “Кыргыз Республикасынын президенти Садыр Жапаров кол койгон жарлыкка ылайык, Кыргыз өлкөсүнүн Корея Республикасындагы атайын жана ыйгарым укуктуу элчиси Кемелова Динара Амантурованын резиденциясы Сеул шаарында жайгашып, ишти айкалыштыруу менен Кыргыз Республикасынын Вьетнам Социалисттик Республикасындагы атайын жана ыйгарым укуктуу элчиси болуп дайындалды”, — деп жазылат билдирүүдө.
Белгилей кетсек, Кемелова Кореядагы элчилик кызматта 2019-жылы январь айынан бери иштеп келе жатат.
