Жергиликтүү бийлик коронавирустун жайылышынын алдын алуу үчүн Санкт-Петербургда чектөөлөрдү киргизет. Бул тууралуу шаардын губернаторунун орун басары Борис Пиотровски билдирди.
Маалыматка ылайык, 15 -ноябрдан тарта чектөөлөр бассейндерге, фитнес -борборлорго, театрларга, кинотеатрларга, музей жана цирктерге да колдонулат. 5 миллионго жакын калкы бар шаарда чектөөлөр ресторандарга жана көпчүлүк дүкөндөргө 1 -декабрдан тарта киргизилет.
«1 -ноябрдан тартып 40тан ашуун киши катышкан чоң спорттук же маданий иш-чараларга катышуу үчүн адамдар QR штрих кодун көрсөтүшү керек. Толук эмдөөдөн өткөн же акыркы 72 саатта COVID-19 вирусу жоктугун тастыктаган тестти көргөзгөн адамдар QR кодун алууга укуктуу болот»,- дейт шаардык губернаторунун орун басары.
Станциялардагы жана аэропорттордогу кафелер, дарыканалар жана азык -түлүк саткан дүкөндөр чектөөлөрдөн бошотулат.
Эскерте кетсек, Санкт-Петербург коронавирус жукканы жаңы аныкталгандардын саны боюнча Москвадан кийинки экинчи орунда турат.
