Жалал-Абадда “Нооруз” паркындагы курулуш иштеринин сапаты текшерилди. Бул тууралуу Жалал-Абад шаардык мэриясынын пресс-катчысы билдирди.
Маалыматка ылайык, Жалал-Абад шаарынын мэри Эрнисбек Ормоков баштаган жергиликтүү бийлик өкүлдөрү парктын курулушу менен таанышып чыкты. Шаар башчысы курулуштун сапатына көңүл буруп, бир топ эскертүүлөрдү берди.
Эске салсак, 8 гектардан ашуун аянтты ээлеген “Нооруз” паркты толук реконструкциядан өткөрүү үчүн казынадан 45 миллион сом бөлүнгөн. Парк эки этап менен жаңыланып, биринчи этабы боюнча курулуштун 80%дан ашыгы аткарылды.
