Бүгүн, 22-октябрда, Нарын шаардык кеңеши Нарын шаарынын мэрлигине Арслан Сталбек уулунун талапкерлигин жактырды. Бул тууралуу Нарын шаардык мэриясынын басма сөз кызматы билдирди.
Маалыматка ылайык, Нарын шаарынын мэри кызматына 2 талапкер болгон, анын бири Эмилбек Чымылдаков.
Сессияга 31 депутат катышып, жабык добуш берүүнүн жыйынтыгы менен Арслан Сталбек уулу 16, ал эми Эмилбек Чымылдаков 14 добушка ээ болгон. Бир депутат 2 талапкерге каршы добушун берген.
Арслан Сталбек уулу -1990-жылы 2-апрелде Нарын шаарында туулган. 2008-2013-жылдары «Ала-Тоо» эл аралык университетинен билим алып, каржы жана насыя, банк иштери адистигине ээ болгон.
Иш тажрыйбасы:
- — 2021-жылы «М.СТАРД» курулуш компаниясынын директорунун орун басары;
- — 2020-2021-жылдары С.Муканбетов атындагы бетон заводунда башкы инженер;
- — 2017-2018-жылдары «Азия банкынын» насыялык операцияларды текшерүү бөлүмүнүн адиси;
- — 2016-2017-жылдары «Бакай банкынын» насыялык бөлүмүнүн башчысы;
- — 2015-жылы «Бакай банкынын» насыялык эскперти;
- — 2013-2015-жылдары KICB банкынын насыялык эскперти.
Үй-бүлөлүү, эки кыз, бир уулдун атасы.
