Көп улуттуу афган элине жана этникалык кыргыздарга гуманитардык жардам көрсөтүлдү. Бул тууралуу Садыр Жапаров бүгүн, 23-октябрда өтүп жаткан маалымат жыйынында билдирди.
Анын айтымында, Афганстандагы акыркы окуяларга байланышту, этникалык кыргыздар жашаган көп улуттуу Афганстан элине эки жолу гуманитардык жардам көрсөтүлгөн.
«Сентябрда кыргыз делегациясы Кабул шаарына 40 тонна гуманитардык жардам жеткирди жана афган талибтеринин жетекчилиги менен коопсуздук маселелерин талкуулады. Ал эми октябрда Улуу жана Кичи Памирде жашаган кыргыздарга 95 тонна гуманитардык жардам жеткирилди», — дейт ал.
