Бүгүн, 3-ноябрда балбан кызыбыз Айпери Медет кызы Сербияда өтүп жаткан 23 жашка чейинки кыз-келиндер арасындагы күрөш боюнча Дүйнө чемпионатында күчүн сынайт. Бул тууралуу Кыргызстандын күрөш федерациясынан билдиришти.
Маалыматка ылайык, мелдеш 1-7-ноябрга чейин Белград шаарында өтөт. Айпери Медет кызы 76 кг салмакта алгач Эквадордон келген Генесис Вальдес менен беттешет.
Өлкөбүздүн атынан эки спортчу аттанып, эртең балбан Назира Марсбек кызы (57 кг) килем үстүнө чыгат.
Эскерте кетсек, Осло шаарында өткөн спорттук күрөш боюнча Дүйнө чемпионатында Айпери Медет кызы коло медалдын ээси болгон.
